Kyzylorda-News.kz

 

    Қазақстанның басым аумағында құбылмалы күн райы сақталады, қар жауады деп күтілуде, республиканың оңтүстік-шығысында түнде кей жерлерде қар жауып, тұман түседі, көктайғақ болады, жел күшейеді. Тек еліміздің оңтүстігі мен батысында күн ашық болады.
    Қазгидрометтің хабарлауынша, Ақмола, Шығыс Қазақстан, күндіз Павлодар облыстарында кей жерлерде боран соғып, желдің жылдамдығы 15-20 м/с-ті құрайды. Солтүстік Қазақстан, Қостанай облыстарында кей жерлерде тұман түсіп, 15-20 м/с жел соғады.
    Алматы, Жамбыл облыстарында тұман түсіп, көктайғақ болады деп болжануда, түнде боран соғып, желдің күші 18-23 м/с-ке дейін барады. Қызылорда, Маңғыстау, Атырау, таңертең және күндіз Оңтүстік Қазақстан облыстарында 15-20 м/с жел соғады.