«ДОПИНГ» ПРОФИЛАКТИКАЛЫҚ ІС-ШАРАСЫ ЖҮРГІЗІЛУДЕ
Қазақстан Республикасы ІІМ-нің операциялық жоспарына сәйкес Қызылордада «Допинг» жедел-профилактикалық іс-шарасы өткізілуде. Бұл шара 26-30 наурыз аралығын қамтиды. Мақсаты – есірткі құралдары мен психотроптық заттардың заңсыз айналымы саласындағы тіркелген қылмыстық құқық бұзушылықтарды анықтау. Бізге бұл туралы Қызылорла ОІІД баспасөз қызметі хабарлады. Шараға есірткі бизнесіне қарсы күрес және криминалды полиция, сондай-ақ, ұйымдасқан қылмысқа қарсы күрес басқармалары мен жергілікті полиция қызметінің қызметкерлері жұмылдырылуда.
Арнайы шара аясында есірткі құралдарының, психотроптық заттардың және прекурсорлардың заңды айналымы саласында шаруашылық ететін субъектілер тексеріліп, дәріханаларда, қоймаларда, емдеу-профилактикалық мекемелерде, өндіріс орындарында рейдтік шаралар ұйымдастырылуда.
Жоғарыда айтып өткеніміздей, аталған шара наурыз айының 30-на дейін жалғасады.
