Kyzylorda-News.kz

     Жақын арада тиісті деллегацияның қатысуымен зауыттың іргетасына капсула салу рәсімі салтанатты түрде өткізілетін болады. «Арал Сода» ЖШС «Кальцилендірілген сода өндіру» жобасы Республикалық индустрияландыру картасына енгізілген.  2018-2020 жылдары құрылыс жұмыстары жүргізілетін жобаның құны – 93,5 млрд.тенге. Бұл мақсатта Арал қаласының солтүстік-батыс бетінен 100 гектар жер учаскесі табысталды. Жаңа жұмыс орындарымен құрылыс кезінде 350 адам, іске қосылу кезінде 700 адам жаңа жұмыс орындарымен қамтылатын болады. Қуаттылығы жылына 300 мың тонна кальцилендірілген сода өндіру және өндіріс орнын дамыта отырып, келешекте жылына 400 мың тоннаға жеткізу жоспарлануда. Өндіріс орны A (ауыр) және В (жеңіл) өнімдері түріндегі кальцилендірілген сода маркаларын шығарады.

    - 2016 жылы «Арал Сода» ЖШС-нің «кальцилендірілген сода өндіру зауыты құрылысының инвестициялық негіздемесі» тақырыбында қоғамдық тыңдау өткізілген болатын. Сода өндіру үшін негізгі шикізат әк (известь) болып табылады. Сондықтан шикізат қорының қауіпсіздігін қамтамасыз ету мақсатында Қызылорда облысы бойынша жақын маңдағы әктас кен орындарына геологиялық зерттеулер мен барлау жүргізіліп, зертханалық қорытындылар алынуда. Болашақта шикізатты Ақтөбе облысынан сатып алу көзделуде, - дейді аудандық кәсіпкерлік, өнеркәсіп және туризм бөлімінің басшысы Бектемір Жұмағұлов.

    Айта кетейік, «Бизнестің жол картасы-2020» бизнесті қолдау мен дамытудың біріңғай бағдарламасы аясында зауыт құрылысы жүретін нысанға теміржол, автокөлік жолы, су, электр энергиясы және газ желілері инфрақұрылымын тарту жұмыстары бойынша жобалық сметалық құжаттар дайындық сатысында. Жалпы зауыт құрылысы осы жылы басталады деп жоспарлануда.