Kyzylorda-News.kz

     Оқиға өткен жылдың тамыз айында болған. Шиелі ауданының құқық қорғау қызметкерлері ауданға қарасты Ботабай ауылынан өсіруге тыйым салынған сора өсімдігінің егіс алқабын анықтаған. Тексеру барысында ол жерден 760 түп құрамында есірткі заты бар сора өсімдіктері, 23 дана қапқа  салынған  жалпы салмағы 251360 грамм болатын «кептірілмеген марихуана» және 1 қап, жалпы салмағы 2900 грамм болатын «кептірілген марихуана» есірткі заттарын тәркілеген. Аталған жер К.Атакаев пен Ж.Бимашевтарға тиесілі екендігі анықталған болатын.

    Осы  қылмыстық оқиға бойынша 13.12.2017 жылы Сырдария аудандық сотының  үкімімен, сотталушылар К.Атакаев және Ж.Бимашев жазаларды ішінара қосу арқылы түпкілікті әр қайсысына  5 /бес/ жылдан бас бостандығынан айыру жазасы тағайындалды.

    Егер  есірткі  сататын  және сора өсімдігін еккен адамдар туралы қандай да бір ақпарат болса «Сенім» телефондардарына хабарласуын сұраймыз. Шынайы  ақпараттарға сыйақы қарастырылып, ақпарат жасырын сақталатындығын ескертеміз.