Kyzylorda-News.kz

     Ұлыстың ұлы күні Наурыз мерекесі қарсаңында облыстық Қазақстан халқы ассамблеясы және «Жылы жүрек» еріктілер тобының ұйымдастыруымен Талсуат мүгедектерді оңалту орталығында ем алушылар арасында спартакиада өтті.

    Жарысқа  барлығы 5 команда қатысты. Қатысушылар арқан тарту, асық ату, нысана көздеу мен эстафета жарысынан бақ сынасты. Барлық команда белсенділік танытып, жеңімпаз атануға барын салды.  

    Оқ бойы озық шығып, бірінші орынды - 4 команда қанжығасына байласа, екінші орынды - 2 команда, үшінші орынды - 1, 5 командалар иеленді. Жеңімпаздар «Ел Арай» қайырымдылық қорының қолдауымен бағалы сыйлықтар мен марапаттарға ие болды.

    Спартакиада соңында, оңалту орталығының директоры Мейрамбек Әбдікәрімов игі шараны ұйымдастырушыларға алғысын білдірді.