ЖАСТАРДЫ ЖАТ ҚЫЛЫҚТАРДАН АУЛАҚ БОЛУҒА ШАҚЫРДЫ
Облыс орталағындағы «Жібек жолы» ойын-сауық кешенінде Жергілікті полиция қызметі Ювеналды полиция бөлімшесінің ұйымдастыруымен «Жастар жат қылықтардан аулақ болуға шақырады» ұранымен флешмоб өтті. Аталған шараға Қызылорда қаласындағы К.Қаракөзов атындағы №235 орта мектептің оқушылары қатысты. Бұл туралы ОІІД баспасөз қызметі хабарлады. Іс-шараның мақсаты – жасөспірімдердің ата-анасының немесе заңды өкілінің еріп жүруінсіз беймезгіл уақытта жүруін тоқтату, өзге де заң бұзушылық әрекеттерге баруының алдын алу, қылмыстың объектісі немесе субъектісі болуының жолын кесу болып табылды.
Шараға қатысушылар өздерінің биімен есірткі, темекі тарту сияқты жат қылықтарға қарсы екендіктерін, зорлық-зомбылықсыз өмірді қалайтындықтарын білдіріп, ұранды сөздер жазылған көрнекі құралдар арқылы барлығын салауатты өмір салтын ұстануға шақырды.
