КИІК АТҚАН ҚЫЗЫЛОРДА ТҰРҒЫНДАРЫ ҰСТАЛДЫ
Қызылорда облысы Жалағаш ауданында 10 киікті атып алған броконьерлер ұсталды. Бұл туралы ҚР АШМ Орман шаруашылығы және жануарлар дүниесі комитеті мәлімдеді, деп хабарлайды BNews.kz Комитеттің мәліметінше, 31 қаңтарда сағат 19:20 шамасында РМҚК "Охотзоопром" ӨБ" Орталық өңірлік филиалының инспекторлары мен Жезқазған ішкі істер басқармасы жергілікті полиция қызметі табиғат қорғау бөлімінің қызметкерлерінің бірлескен жұмысы барысында, Қызылорда облысы Жалағаш ауданына қарасты аумақта мемлекетік нөмірі 115 AYA 11 "Toyota Land Cruiser 100" маркалы автокөлігі бар Қызылорда қаласының үш азаматы құрықталды.
Автокөлікті тексеру барысында 10 бас киік табылған. Оқиға орнына Сырдария аудандық ІІД жедел тергеу тобы шақырылды. Алдын ала келтірілген шығынның көлемі 9139000 теңгені құрайды.
