ДИАБЕТПЕН АУЫРАТЫНДАРҒА ТЕСТ-ЖОЛАҚТАРДЫ ОТАНДЫҚ ӨНДІРУШІ ЖЕТКІЗЕТІН БОЛДЫ
2018 жылдың алғашқы үш айында 90 күндік қажеттілікті қамтамасыз ету үшін отандық өндірушіден 650 млн. теңгеге қандағы қант деңгейін анықтауға мүмкіндік беретін 300 мыңнан артық тест-жолақтары, сондай-ақ қант диабетімен ауыратын пациеттерге глюкометрлар сатып алынды. Бұл туралы ҚР Денсаулық сақтау министрлігінің баспасөз қызметі хабарлады. Бірыңғай дистрибьютордың тендер қорытындысы бойынша жылдың қалған айларына 1,1 млрд. теңгеден астам қаржыға тағы 570 мың тест-жолақтар сатып алынады.
Қазіргі кезде тест-жолақтары және глюкометрларды шығаруды және жеткізуді отандық өндіруші «Аксель и А» жүзеге асырады.
2015 жылы 7 жыл мерзімге жасалған ұзақ мерзімді шарт шеңберінде мемлекет бұл өндірушіден глюкометрлар мен тест-жолақтарын сатып алады, сондай-ақ отандық жеткізуші сатып алу рәсіміне қатыса отырып, Бірыңғай дистрибьютордың тендерлерінің нәтижесінде абсолютті артықшылықтарға ие болады.
Айтпақшы, 2017 жылы қазақстандықтар отандық өндірушінің тест-жолақтары және глюкометрларымен 1,16 млрд. теңгеге қамтамасыз етілді.
