ЖАСТАР ҚАНАТЫ МҮШЕЛЕРІНІҢ АРАСЫНДА ШАХМАТТАН ТУРНИР ӨТТІ
Достық үйінде Корей жастары қозғалысының ұйымдастыруымен, облыстық Қазақстан халқы ассамблеясының қолдауымен шахматтан турнир болып өтті. Оған облыстық Қазақстан халқы ассамблеясы жанындағы Жастар қанатының 20 белсенді мүшесі қатысты. Қазылар алқасының құрамында «Қазақстан корейлер қауымдастығы» Қызылорда облыстық филиалының 3 өкілі болды. Турнир олимпиадалық жүйе бойынша жүргізілді.
Шахмат турнирінің қорытындысы бойынша жеңімпаздар анықталып, бірінші орынды Орынбек Асқарбай, екінші орынды Уәлихан Файзуллаев, үшінші орынды Әліби Қуантқанов қанжығасына байлады.
Облыстық Қазақстан халқы
ассамблеясының баспасөз қызметі
