АУЫЛДЫҢ ӨЗ АЛМА БАҒЫ БОЛАДЫ
Әкімдердің ел алдындағы есебіне орай жиын Шиелі ауданындағы Сұлутөбе ауылдық округінде де өтті. Есеп беру жиынында аудан әкімі Әшім Оразбекұлы мен ауылдық округ әкімі Кажденбек Маматов былтыр атқарылған істерге тоқталып, тұрғындарды осы жылдағы жоба, жоспарлармен таныстырды.
«Батыс Еуропа-Батыс Қытай» халықаралық көлік дәлізінің осы ауылдан өтетін тұсынан жеке кәсіпкер «В» санаты бойынша жобалық құны 200 млн. теңге болатын сервистік қызмет көрсету орталығының құрылысын бастады. Биыл сондай-ақ, жалпы аумағы 5 гектар жерге алма бағын егу жоспарлануда.
