ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ WHATS APP МЕССЕНДЖЕРІН ІСКЕ ҚОСТЫ
Енді Еңбек және халықты әлеуметтік қорғау министрлігі мамандары Whats App мессенджері арқылы халықпен өзара тығыз қарым-қатынас орнатып, әрі әлеуметтік-еңбек саласындағы мәселелер бойынша жедел ақпарат алмаса алады. Whats App мессенджерінің номері; +7 700 101 1414 Бұл туралы министрліктің баспасөз хатшысы Нұрлыбек Жеңісбек хабарлады.
«Еліміздің азаматтары өздерін толғандырып жүрген зейнетақы, түрлі жәрдемақы, мүгедектікті тағайындау, көпбалалы отбасын қолдау, көші-қон және еңбек қатынастары жайында сауалдарға тікелей жауап алатын болады», -деп атап өтті баспасөз хатшысы.
Айта кетейік, биыл министрлік жаңа сипаттағы атаулы әлеуметтік көмекті енгізу, базалық зейнатақы төлемдерін тағайындаудың механизмін қайта қарау, кәмелет жасына толған, бала кезінен І топтағы мүгедектерді бағып отырған ата-аналарға қосымша мемлекеттік жәрдемақыны енгізу, өзін-өзі жұмыспен қамтығандарды рәсімдеу, әлеуметтік қызмет жүйесін модернизациялау, мүгедектік бойынша медициналық-әлеуметтік сараптамалық қызметті қайта форматтау, саланы цифрландыру, электронды еңбек биржасын енгізуді, электронды еңбек келісімдерді қамтамасыз ету шараларын жүзеге асырады.
«Егер аталған бастамаға ұсыныстарыңыз, сұрақтарыңыз бен толықтыруларыңыз болса, біз бігіріп талқылауға және кеңінен сұхбаттасуға әзірміз. Азаматтар өздерінің сұрақтарын Whats App мессенджеріндегі +7 700 101 1414 нөмеріне жолдауына болады», - деп атап өтті Нұрлыбек Жеңісбек.
