Kyzylorda-News.kz

     Қызылорда облысы ТЖД Өрт сөндіру және авариялық құтқару жұмыстары қызметі №12 өрт сөндіру бөлімінде Белкөл кентіндегі №189 орта мектептің 10, 11 сынып оқушыларына ашық есік күні өткізілді.

    Экскурсия барысында оқушылар өрт сөндіру техникаларымен, жабдықтармен танысты.  Өрт сөндіру бөлімі бастығының орынбасары, азаматтық қорғау капитаны Б. Байниязов оқушыларға өрт сөндіру бөлімінің қызметі туралы айтты.

     Әңгіме барысында «Көкшетау техникалық институтының студенттің тарихы» туралы фотоальбом мен бейнеролик көрсетілді.  

    Экскурсия соңында құтқарушы мамандығына қызығушылық танытқан оқушыларға байланыс телефондары мен оқу орны туралы жадынамалар таратылды.