ҚАЛАМГЕРЛЕРГЕ ТАҒЗЫМ
Жаңа жыл қарсаңында Жаңақорған ауданында тағылымы мол шара өтті. Бұл шара белгілі ғалым, ақын, өнер зерттеушісі, қорқыттанушы Сейсен Мұхтарұлының 70, облыстық «Сыр бойы» газеті бас редакторы бірінші орынбасары қызметтерін атқарған белгілі журналист, ҚР Мәдениет қайраткері Оразбек Мақсұтұлының 60 жылдығына орай ұйымдастырылды. Шара аясында «Қорқыт сарыны» тақырыбында ғылыми-танымдық конференция өтті.
Аймақтағы белгілі шығармашылық өкілдері елеулі еңбегімен ел есінде қалған екі азамат жайлы жылы лебіздерін жеткізді.
