МЕДИАЦИЯ ТӘРТІБІМЕН БІР КҮНДЕ 5 АЗАМАТТЫҚ ІС ТОҚТАТЫЛДЫ
Қармақшы аудандық сотының судьясы Ермек Құтыбаев бір күнде жауапкерлерден қарыз ақшаны және мемлекеттік баж алымын өндіру жөніндегі 5 азаматтық істі медиация тәртібімен тоқтатты. Сотта тараптар дауды медиация тәртібімен келісілген шарттар бойынша реттеуге келісімге келген.
Қазақстан Республикасы АПК-нің 277 бабының 6 тармақшасында, егер тараптар дауды медиация тәртібімен реттеу туралы келісім жасасса және оны сот бекітсе, iс бойынша іс жүргізуді тоқтатады делінген.
Сондықтан осы заң талабына сәйкес, сот азаматтық істер бойынша дауды медиация тәртібімен реттеу туралы келісімін бекітіп, төленген мемлекеттік баж сомаларын талап қоюшыларға қайтарып, азаматтық істерді сот өндірісінен тоқтатты.
Қармақшы аудандық сотының баспасөз қызметі
