2018 ЖЫЛДЫҢ 1 - ҚАҢТАРЫНАН БАСТАП ЗЕЙНЕТАҚЫ ӨСЕДІ
2017 жылы ҚР Еңбек және халықты әлеуметтік қорғау министрлігі әлеуметтік-еңбек саласындағы негізгі саясатты іске асыруда айтарлықтай жұмыстар атқарды.
Үкімет барлық әлеуметтік міндеттемелердің орындалуын қамтамасыз етті. 2017 жылы зейнетақының мөлшері 20% -ға артты. Оның ішінде ынтымақты зейнетақы екі еселенді. Қаңтар айында 9%, шілдеде 11%-ға өсті. Мемлекеттік базалық зейнетақы төлемінің мөлшері тиісінше 7% және 13%-ға көбейді.
Енді келесі зейнетақы көлемі 2018 жылдың қаңтарынан бастап ұлғаяды.
Жасына және ұзақ мерзімді қызмет бойынша зейнетақы төлемдерінің мөлшері 8% -ға артады. Бұл өзгерістер 2 миллионнан астам зейнеткерге, яғни бүгінгі күні зейнетақы алатын әрбір адамға қатысы бар.
Бұдан басқа, 2018 жылдың 1 - шілдесінен бастап зейнетақы жүйесіне қатысу ұзақтығына байланысты жаңа әдіске сәйкес базалық зейнетақы тағайындалады.
Мысалы, егер жұмыс өтілі 10 жыл немесе одан кем болса, қызмет мерзімі ұзартылса, базалық зейнетақы мөлшері ең төменгі күнкөріс деңгейінің 54% -на тең болады. Жыл сайын он жылдан астам уақыт ішінде оның мөлшері 2% -ға артады. Еңбек өтілі 33 және одан артық болса - бұл күнкөріс деңгейінің 100% құрайды.
2018 жылғы 1 шілдеден бастап барлық зейнеткерлер базалық зейнетақыны бір реттік қайта есептеуден өтеді.
Нәтижесінде, 44% -дан астамы ең төменгі күнкөріс деңгейінің 100% базалық зейнетақысын, дәл осыншама адам 74-тен 100% -ға дейін зейнатақы алатын болады.
