БІЗГЕ ҚЫМБАТ ӘУЕНДЕР
Елбасының "Болашаққа бағдар: Рухани жаңғыру" бағдарламалық мақаласы шеңберінде Жаңақорғанда құрылған өнер ұжымы – «Экспресс» вокалды-аспапты ансамблінің 45 жылдығы аталып өтті. Жаңақорған ауданы əкімдігінің қолдауымен өткен кеш аясында композитор Бексұлтан Байкенжеевтің әндерін насихаттау мақсатында вокалды-аспапты ансамбльдер арасында «Бізге қымбат әуендер» атты аймақтық байқау ұйымдастырылды.
Іргелі өнер ұжымы мен әйгілі композитор рухына бағышталған байқауға Қызылорда, Тараз, Түркістан қалалары мен Жалағаш, Сырдария, Шиелі, Жаңақорған аудандарынан вокалды аспаптар ансамблі қатысты.
