Kyzylorda-News.kz

     Елбасының «Болашаққа бағдар: Рухани жаңғыру» бағдарламалық мақаласы аясында қалалық білім бөлімінің ұйымдастыруымен №143 орта мектептің 8 - 9 сынып оқушылары арасында «Мәңгілік елдің - мәңгілік тілі» атты көркемсөз оқy шеберлерінің байқауы өтті.

     Байқау барысында оқушылар қазақ, орыс және ағылшын тілдерінде өлеңдер оқып, өнерлерін көрсетті. Оқушыларға тақырыпқа байланысты мәліметтер айтылып, рухани жаңғыруға бет алған қоғамдағы бастамалар жайы баян етілді.

    Сондай-ақ, оқушылар жасаған қолөнер бұйымдарынан «Менің Отаным – Тәуелсіз Қазақстан» тақырыбында қолөнер шеберлері көрмесі ұйымдастырылды.

          Шара соңында қатысушылар дипломдармен марапатталды.