«ГҮЛБАРШЫН АНА» БЕЛГІСІ – ЕЛДІКТІҢ ЕРЕН ҮЛГІСІ
Жаңақорғанда «Гүлбаршын Ана» кесенесі қайта жаңарып, тоғыз жолдың торабынан қайта бой көтерді. Бұрнағы бабалардан қалған шежіре-дастандарда Қожамберді ауылы аумағында орналасқан «Көккесене» Гүлбаршын анаға соғылған деген аңыз бар. Алпамыс батыр ұрпақтары бас қосып, ақылдаса келе, «Рухани жаңғыру» мақаласынан туындаған ұлттық құндылықтарды ұлықтау мақсатында «Батыс Еуропа-Батыс Қытай» автодәлізі бойындағы Қожамберді ауылына кіре-берістегі маңнан «Гүлбаршын ана» ескерткіш белгісін орнатты. Бағаналы белгінің ашылу салтанатында аудан әкімі Ғалым Әміреев пен ел ағалары қатысты.
