Kyzylorda-News.kz

     Елбасының «Болашаққа бағдар: Рухани жаңғыру» атты бағдарламалық мақаласы аясында қазақ халқының көрнекті ақыны, Мемлекеттік сыйлықтың иегері Фариза Оңғарсынованы еске алу және дарынды тұлғаның шығармашылығын насихаттау мақсатында Алматыда "Фариза, Фаризажан, Фариза қыз" атты республикалық байқау өтті.  

    Республикалық деңгейде ұйымдастырылған байқауға Сырдария ауданына қарасты Шаған ауылындағы №37 орта мектеп оқушысы Темірлан Мүсілімов қатысып, жүлделі ІІІ-орынды иеленді, деп хабарлайды аудан әкімінің баспасөз қызметі.

    "Көркем сөз" номинациясы бойынша жеңімпаз атанған мектеп оқушысы арнайы дипломмен, естелік сыйлықпен марапатталды. Болашағынан көп үміт күттіретін жалынды жасты байқауға ұстазы Мәрияш Аусынбаева дайындаған.