Kyzylorda-News.kz

Елбасының «Болашаққа бағдар: Рухани жаңғыру» бағдарламалық мақаласы өнер мен мәдениет саласына да үлкен міндет жүктейді.

 Балаларды ұлттық рухта тәрбиелеуді мұрат тұтқан «Сиқырлы айна» халықтық балалар қуыршық театры мен «Сыр сандуғаштары» ән үйірмесі мерекеге орай Талсуат ауылында орналасқан "№2 арнаулы әлеуметтік қызмет көрсету орталығы" коммуналдық мемлекеттік мекемесіне барып, онда ем алып жатқан науқастарды мерекемен құттықтап, өз өнерлерін паш етті.        

А.Тоқмағамбетов атындағы қалалық мәдениет үйіне қарасты өнер ұжымдарына орталықта ем алып жатқандар мен мекеме басшылығы өз ризашылықтарын білдіріп, Алғыс хатпен марапаттады.

""Сиқырлы айна"" балалар қуыршақ театры өз өнерімен көрермендердің жүрегінен орын алған ұжым. Балалар тәрбиесіне үлкен үлес қосып келе жатқан театр рухани жаңғыру бағытындағы бастамаларға үн қосу мақсатында репертуарын байытып келеді.