Kyzylorda-News.kz

     Елбасының «Болашаққа бағдар: Рухани жаңғыру» бағдарламалық мақаласына орай «Дарын» РҒПО-ның ұйымдастыруымен Алматы қаласында өткен «Педагогикалық идеялар фестивалі» республикалық конкурсына №10 дарынды балаларға арналған облыстық «Білім-инновация» лицей-интернатының мұғалімдері қатысып, жүлделі орын иеленді.

    Мереке қарсаңында ұйымдастырылған конкурста қазақ тілі мен әдебиеті пәнінің мұғалімі Гүлайым Байназар «Үйірме жұмыстарын үйлестіруде әлеуметтік серіктестікті дамыту жолдары» тақырыбындағы жұмысы үшін I орын иеленді.

     Лицейдегі үйірме жұмыстарының жүргізілуі, өндіріс орындарымен тығыз байланысы қатысушылардың ерекше қызығушылығын туғызғанын айта кетейік.

    Сонымен қатар, сайыста физика пәнінің мұғалімі Майра Мантенова да «Физика пәнінен теориялық сұрақ-жауап» тақырыбындағы жұмысы үшін II орын жүлдесін алды.