ҰСТАЗДАРҒА ҚҰРМЕТ КӨРСЕТІЛДІ
Елбасының «Болашаққа бағдар: Рухани жаңғыру» бағдарламалық мақаласындағы міндеттерді орындау аясында кеше Жаңақорған аудандық білім бөлімі мен білім қызметкерлері кəсіподақ комитетінің ұйымдастыруымен 2016-2017 оқу жылындағы "Алтын белгі" иегерлерінің алғашқы ұстаздарына құрмет көрсетілді. Мемлекет басшысы мақаласындағы білім мен тәрбие бағытында ұйымдастырылған шарада аудандық білім бөлімінің басшысы Болат Ибрагимов ұстаздарды Тəуелсіздік мерекесімен құттықтап, оларға Астана қаласына 2 күндік саяхат жасау үшін облыстық кәсіподақ комитетінің жолдамасын табыс етті.
Білім мен тәрбиенің бастауында тұрған ұстаздар өздеріне көрсетілген құрмет үшін алғысын айтып, мұғалім мəртебесін көтерген шараны ұйымдастырушыларға алғысын білдірді.
