ЖАҢҒЫРУҒА ЖАСТАР ҚОСАР ҮЛЕС МОЛ
Елбасының «Болашаққа бағдар: Рухани жаңғыру» бағдарламалық мақаласына орай кеше Байқоңыр қаласындағы "ҚазҒарыш сапары" мәжіліс залында облыстық жастар саясаты мәселелері басқармасы мен "Ашық Азаматтық Қоғам" ақпараттық-ресурстық орталығы "Тәуелсіздік – ең басты құндылығымыз" атты кездесу ұйымдастырды. Мереке қарсаңындағы шараға ғарышты қаламен қатар Төретам кенті және Ақай ауылдық округінің белсенді жастары қатысты.
Кездесуде "Ашық Азаматтық Қоғам" ақпараттық-ресурстық орталығы, "Жастар ресурстық орталығы" Байқоңыр қалалық бөлімшесінің жыл көлеміндегі атқарған іс-шаралары айтылып, жастарға деген бағдарламалар мен мемлекет тарапынан ұсынылып отырған мүмкіндіктер жайлы кеңінен айтылды.
Аймақтағы рухани жаңғыру бағытындағы шараларды жастар аясында насихаттауды күшейту бағытында ұсыныстар берілді.
