АЙМАҚТАҒЫ СЕРПІНДІ ІСТІҢ ДӘЛЕЛІ
Бүгін облыс орталығындағы «Сұлтан Плаза» кешенінде Елбасының «Болашаққа бағдар: Рухани жаңғыру» бағдарламалық мақаласы аясында өткен «Туған жерге тағзым» акциясында өңірдегі жаңа өндіріс орындарының тұсауы кесілді. Аймақ басшысы Қырымбек Көшербаев пен Сырдан шыққан белгілі азаматтар қатысқан акцияда «Саламат АГРО» ЖШС жетекшісі Әділжан Ізтілеуов телекөпір арқылы байланысқа шығып, серіктестіктің мал бордақылау және сою алаңы өз жұмысын бастағанын хабарлады.
Бес жүз бас сиыр бордақылауға арналған алаң жанында ауысымына 50 бас мал соятын цех бар. Тәуелсіздік мерекесі қарсаңында тұсауы кесілген өндіріс орны халал сертификатын алған.
Серіктестік басшысының айтуынша олар алдағы уақытта Иран және Араб елдеріне ет экспорттауды бастайды.
