АСТАНАДАҒЫ КӨРМЕ ӨЗ ЖҰМЫСЫН БАСТАДЫ
Бүгін Астанадағы Ұлттық музейде Елбасының «Болашаққа бағдар: Рухани жаңғыру» бағдарламасы аясында «Жаһандағы заманауи қазақстандық мәдениет» атты суретшілер көрмесі ашылды. Бұл көрмеге біздің облыстан Қазақстан Суретшілер одағының облыстық филиалы жетекшісі, ҚР Мәдениет қайраткері Амангелді Кененбаевтың картиналары қойылып отыр.
«Жаһандағы заманауи қазақстандық мәдениет» жобасы еліміздің рухани, мәдени әлеуетін шет мемлекеттерге танытудың тың бастамасы. Осы арқылы сырттағылар экономикалық жаңарумен қатар рухани жаңғыруға мән берген Қазақстан мәдениеті жайлы біле алады
Амангелді Кененбаевтың айтуынша көрме аясында 13-14 желтоқсан күндері ел мәдениетін сырт мемлекеттерде насихаттауға арналған дөңгелек үстел ұйымдастырылады.
