САХНАДА «СЫР ЖҰЛДЫЗДАРЫ»
Елбасының «Болашаққа бағдар: Рухани жаңғыру» мақаласына орай қалалық білім бөлімінің ұйымдастыруымен №278 орта мектепте жас өнерпаздарды шыңдап, көпшілікке танылуына мүмкіндік жасау, бәсекеге қабілетті шығармашылық тұлға қалыптастыру мақсатында «Сыр жұлдыздары» қалалық байқауы өткізілді. Байқауда дарынды оқушылар эстрадалық ән салу, аспапта орындаушылық, хореографиялық өнер түрлері бойынша жас ерекшелігіне қарай бақ сынасты.
Қалалық байқау қорытындысында көпшілікті өнерлерімен тәнті еткен №112 орта мектептің оқушысы Аякөз Аралбайқызы және №235 орта мектептің өнерпазы Аружан Ишанбек пен №267 орта мектептің «Атамұра» ансамблі облыстық байқауға жолдама алды.
