ҰЛТТЫҚ СПОРТТЫ ҰЛЫҚТАҒАН САЙЫС
Елбасының «Болашаққа бағдар: Рухани жаңғыру» мақаласынан туындайтын міндеттерді жүзеге асыру аясында облыс орталығында зағиптар мен тірек-қимылдары бұзылған азаматтар арасында тоғызқұмалақтан сайыс өтті. Ел тәуелсіздігі күніне арналған жарысты «Қызылорда облысының паралимпиадалық комитеті» қоғамдық ұйымы мен денешынықтыру және спорт басқармасы ұйымдастырды. Жарыс спортшылар диагнозына орай екі категория бойынша өтті.
Турнир жеңімпаздары мен жүлдегерлерге бағалы сыйлықтар мен түрлі дипломдар табысталды.
Тоғызқұмалақтан ҚР спорт шеберлері Кенбай Қарашаев, Бақытжан Әлиасқаров, Мәдина Нұрсейіт пен Асылхан Қосжанов турнирдің бірінші тұғырына шықты.
Бұлар осыған дейін де облыстық, республикалық, халықаралық жарыстарда топ жарып жүрген спортшылар.
