Kyzylorda-News.kz

     Шиелі ауданы бойынша «Нұрлы жер» тұрғын үй құрылыс бағдарламасы аясында келер жылы Бидайкөл елді мекенінің 14, 15 және 30 кварталдарына, Шиелі кентіндегі Шұғыла-2, Шұғыла-3 және Шығыс-4 мөлтек аудандарында қыстақішілік 32,5, сервистік 33,25 шақырым ауыз су құбырлары жүргізуге, 572 үйдің ауласының шекарасына дейін ауыз су құбырларын тартуға 683400,5 мың теңгенің республикалық және облыстық бюджеттерден қаралуы үшін бюджеттік өтінімдер тапсырылды. Бұл туралы аудан әкімдігінің баспасөз қызметі хабарлады.

    Жобалық құны 825633 мың теңге болатын «Қызылорда облысы, Шиелі ауданы, Шиелі кентіндегі 18 пәтерлік 4 тұрғын үй құрылысы» жобасы бойынша сараптама қорытындысы алынды.

    Құрылыс-монтаж жұмыстарына қажетті 818390,9 мың теңгенің 2018 жылы республикалық және облыстық бюджеттерден қаралуына өтінім берілді. Қажетті қаржы қаралып, көпқабатты тұрғын үйлер пайдалануға берілген жағдайда, тұрғын үй кезегінде тұрған халықтың әлеуметтік жағынан осал топтары қатарындағы адамдарға сатып алу құқығынсыз жалға берілетін болады.