КӘРІЗ ЖҮЙЕСІН ІСКЕ ҚОСУ ҚОЛҒА АЛЫНДЫ
«Нұрлы Жол» бағдарламасы аясында қазір Әйтеке би кенті мен Қазалы қаласына ішкі су желісін жүргізу жұмыстары жүргізілуде. Бұл туралы Өңірлік коммуникация қызметінде аудан әкімі М.Ергешбаевтың қатысуымен өткен брифингте айтылды. Осы жылғы 10 айдың көрсеткіштерін саралаған М.Нәлқожаұлы биыл ауданда 14 мың текше метрлік су қоймасы салынғанын атап өтті. Бұл аудан халқын ауыз сумен үздіксіз қамтуға мүмкіндік беріп отыр.
– Кәріз жүйесін іске қосу мәселесі де қолға алынды. «Әйтеке би кентінің су бұру жүйесінің құрылысын салу» жобасы бойынша мемлекеттік сараптамадан оң қорытындысы алып, шешу жолдары қарастырылуда. Жобада 18 дана кәріз насос станциясы, 1 дана кәріз тазалау құрылғысы салыну жоспарланып отыр, – дейді айдан басшысы.
