СЫРДАРИЯ АУДАНЫНЫҢ ХАЛҚЫ 100 ПАЙЫЗ АУЫЗ СУМЕН ҚАМТЫЛҒАН
Еліміздің 2020 жылға дейінгі стратегиялық даму жоспарында халықты сапалы ауыз сумен қамтамасыз ету маңызды міндеттердің қатарына жатқызылған. - Халықты сапалы ауыз сумен және суды жеткізетін әрі тарататын қызметтермен қамтамасыз ету – басты мақсатымыз. Қазіргі таңда аудан халқы 100 пайыз ауыз сумен қамтылған, - дейді Сырдария ауданының әкімі Ғанибек Қазантаев.
Сондай-ақ, аудан басшысының айтуынша тұтынушы тұрғын үйлердің шекарасына дейін су құбырын жеткізу желілерінің құрылысына республикалық және облыстық бюджет есебінен Н.Ілиясов, Қалжан ахун, Шаған және Шіркейлі ауылдарына 493,7 млн. теңге қаржы бөлінген.
Қазіргі таңда Н.Ілиясов, Шаған ауылдарындағы нысандар пайдалануға беріліп отыр. Қалжан ахун ауылындағы құрылысқа бөлінген қаржы игеріліп, нысан 2018 жылы пайдалануға беріледі. Шіркейлі ауылындағы құрылыс жұмыстары қараша айының соңына дейін толық аяқталатын болады.
