СЫРДАРИЯ АУДАНЫНДА 37 ЖОБА ЖҮЗЕГЕ АСЫРЫЛАДЫ
Сырдария ауданының әлеуметтік – экономикалық салалары қарқынды даму үстінде. Оған себеп ауданның 2016-2020 жылдарға арналған «Даму» бағдарламасы аясында 2017 жылы құны 854,5 млн теңгені құрайтын 37 жоба жүзеге асырылады деп жоспарланған, ашылатын жұмыс орнының саны 221. Аудан әкімдігінің баспасөз қызметі хабарлағандай есепті мерзімде 115,5 млн теңгені құрайтын 13 жоба жүзеге асырылып, 39 жұмыс орны ашылған.
Сонымен қатар, «Нәтижелі жұмыспен қамту және жаппай кәсіпкерлікті дамыту» бағдарламасының екінші бағыты бойынша ауыл шаруашылығын қолдау қорынан 57 тұлға 261,3 млн.теңге және 3 ауылшаруашылық өндірістік кооперативтері 41,0 млн теңге несие алып, жұмыс жасауда.
