Kyzylorda-News.kz

     Қорқыт Ата атындағы ҚМУ «Экономика және ақпараттық технологиялар» факультетінің бітіруші курс студенттері үшін «ISO 9001:2015 халықаралық стандарты негізінде бизнесті басқарудың халықаралық ережелері. Заманауи жағдайдарда кәсіби тұлғаның жеке-дара өсуі» тақырыбына семинар болып өтті.

    Семинарды Қазақстандық Сапа менеджменті Академиясының Президенті, профессор, техника ғылымдарының докторы Владимир Соловьев өткізді. Үш күн бойына білім алушылар жаңа кезеңнің шынайы көріністері - стратегиялық менеджмент, көшбасшылық, тәуекелдерді басқару, персоналдарды басқару бойынша білім алды.

    Шарада жүйе менеджментінің ережелері мен идеологиясын білу түрлі деңгейдегі рыноктарда экономикамыздың бәсекеге қабілеттігін айтарлықтай алға жылжыта алатын ұлттық басымдықтардың бірі болуы тиістігі атап өтілді.