Kyzylorda-News.kz

     Биылғы 9 айда облыс кітапханалар қоры 29299 дана жаңа кітаппен толықты, оның ішінде қазақ тіліндегісі 25 502 дана. Бұл туралы облыстық мәдениет, мұрағат және құжаттама басқармасы хабарлады.

    Есепті мерзімде облыс кітапханалары 199 234 оқырманға қызмет көрсетті. Кітап берілімі 3 460 180, келушілер саны 1 378 183 құрады.

    Ұлттық кітапхананың Қазақстандық корпоративтік каталогтау орталығына барлығы 56 654 жазба жіберіліп, 64 503 жазба алынды. Цифрлы форматқа 4196 кітап (864 593 бет) және 6 газет  29 978 бет көшірілді.

    Облыс кітапханаларының материалдық-техникалық базасын нығайтуға сервер, компьютер, т.б. құрал-жабдықтар алынды.

    Жалпы бүгінде облыс кітапханаларының кітап қоры 4 518 903 дананы құрайды, оның 2 375 314 данасы қазақ тіліндегі әдебиет.