АКЦИЯ АЯСЫНДА НАУҚАСТАРҒА ОТА ЖАСАДЫ
«Туған жерге тағзым» акциясы аясында Ұлттық кардиохирургия орталығының директоры, жерлесіміз Юрий Пя Қызылордаға орталықтың бір топ мамандарын жіберді. Аймаққа келген топ құрамындағы кардиохирургия бөлімшесінің меңгерушісі, медицина ғылымдарының кандидаты Тимур Лесбеков пен кардиоанестезиолог - реаниматолог Нұрлан Смағұлов облыс орталығына санавиация арқылы Арал ауданынан жеткізілген 56 жастағы науқастың жүрегіне аортокоронарлы шунт орнату отасын жасады.
Сонымен қатар, орталық кардиологы Ғалия Тұрғанбаева науқастарға кеңес берді.
