ЖАЛАҒАШТА ТІГІНШІЛЕР КӨБЕЙДІ
Жалағаш кентінде «Өркен Әлем» жауапкершілігі шектеулі серіктестігінің арнайы киім тігу шеберханасы жұмыс істеп тұр. Құны 38,2 млн теңге құрайтын жобаға мемлекет тарапынан кент орталығының батыс бөлігінде орналасқан «Серпін» индустриалды өндіріс аймағынан 1 гектар жер телімі беріліп, қазіргі таңда 28 адамды толық жұмыспен қамтып отыр.
Жаңа өндіріс орнынан тұрақты жұмыс тапқандардың көпшілігі “Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының” бірінші бағыты бойынша тігінші мамандығын оқығандар болып отыр.
Жоба толыққанды іске қосылған жағдайда 40 жаңа жұмыс орнын ашылады деп күтілуде.
