ӘРІПТЕСТІҢ ТАБЫСТЫ ЖОЛЫ
Қызылорда облысы бойынша мемлекеттік кірістер департаменті басшысының орынбасары Алмас Әбжаппаров Батыс Қазақстан облысы бойынша мемлекеттік кірістер департаментінің басшысы болып тағайындалды. Бұл туралы Қызылорда облысы бойынша МКД баспасөз қызметі хабарлады. Алмас Әбдімүтәліпұлы Әбжаппаров Қызылорда облысына қызметке келгеніне көп болмаса да, өңірдегі кеден қызметінің қыр-сырына қанығып, қызметтестері арасында абыройға ие болды.
Ол республиканың бірқатар өңірлерінде кеден, салық қызметтерінде қолтаңбасын қалдырған белгілі маман. Экономика ғылымдарының кандидаты.
Жоғары басшы лауазымға өсіп, Батыс Қазақстан облысының мемлекеттік кірістер органдарының тізгінін ұстаған әріптесті қызылордалықтар ізгі тілекпен шығарып салды.
