КОЛЛЕДЖ СТУДЕНТТЕРІ БІРНЕШЕ БІЛІКТІЛІКТІ ҚАТАР АЛЫП ШЫҒАДЫ
Елімізде биылдан бастап кәсіптік білім беру саласындағы өзекті мәселе - білім алушылардың жұмысшы мамандығы бойынша бірнеше біліктіліктерді қатар алып шығуы маңызды. Осы мақсатта, бүгінгі күні облыстағы 11 колледжде 18 мамандық бойынша студенттер бірнеше яғни, 38 біліктілік бойынша білім алуда. Осыған орай, әрбір колледж жыл сайын кем дегенде бір мамандық бойынша бірнеше біліктіліктерді қатар беруді қамтамасыз етеді.
Колледж студенттерін кәсіпкерлікпен айналысуға құзіреттіліктерін қалыптастыру мақсатында «Кәсіпкерлік негіздері» пәнін 36 сағаттық факультативтік курс ретінде колледждерде биылғы жылдан бастап енгізілді.
Ендігі осы жаңалықтарды жүйелі түрде оқу үдерісіне қосу үшін колледждердің кадрлық құрамының сапасын арттыру міндеті тұр.
Осы мақсатта, 2017 жылы «Кәсіпқор» Холдингінің ұйымдастырумен модульдік білім бағдарламалары бойынша 240 инженер-педагог және 11 колледж директоры халықаралық менеджмент 3 деңгейлі біліктілік арттыру курстарынан өтті.
Келесі жылы бұл санды 310-ға дейін арттыру (240-тан) жөнінде «Кәсіпқор» Холдингімен келіссөз жүргізілуде, оның ішінде ағылшын тілінде оқытылатын CLIL бағдарламасына қатысушылардың саны ұлғаяды.
