TED АЛАҢЫНДАҒЫ ТОЛЫМДЫ ӘҢГІМЕ
“Go-working» жобасының шеңберінде Қызылорда гуманитарлық-экономикалық колледжінде TED конференциясы өтті. Оған «Жас құрылысшылар» жұмысшы тобы мен жастар саясатының аймақтық бөлімдері өкілдері қатысты.
TED – білімділер мен үздіктердің техника, медицина, тарих, әлеуметтік мәселелер жайындағы әңгімелесу алаңы. Бұл адамдардың кең таратуға лайықты идеялармен алмасып, ғылыми ортаны қалыптастыратын платформа.
Қорқыт ата атындағы ҚМУ бизнес орталығының жетекшілері Жандос Оразмаханов пен Есенжол Назаров бизнестегі алғашқы қадамдар туралы айтып берді.
Олардың бизнестің дамуы үшін қандай критерийлерді қолдану керектігі жайлы кеңестері жастардың қызығушылығын оятып, басқа да көптеген мәселелер талқыланды.
