Kyzylorda-News.kz

     Арал қаласындағы №2 облыстық арнайы санаториялық мектеп-интернатында «Алтын күз, әсем айналам. Еліне береке сыйлаған»-атты күзгі бал кеші өткізілді.

    7-10 сынып оқушылары қатысқан сайыс «Таныстыру», «Күзгі вальс», «Өнерің өрге жүзсін», «Сән үлгісі» және «Үздік сурет және икебана» атты 5 кезеңнен тұрды.

    Төрт жұп қатысқан сайысқа №2 облыстық арнайы санаториялық мектеп-интернат директоры Қ. Дәулетова, «Жас Отан» ЖҚ Арал ауданы бойынша төрағасы Әнуар Тоқтамысов, «Жастар ресурстық орталығы» мамандары Дархан Меңдібаев пен Сымбат Қубекова, мектеп психологы Ұлболсын Құлтаевалар қазылық етті.

    Сайыс қорытынысында 1 орынды 7 сынып иеленсе, екінші орын 9 сыныпқа бұйырды, 8 сыныптан қатысқан жұп үшінші орын иегерлері болып танылды.

    Күзгі бал кешінің Ханзадасы мен Ханшайымы тәждерін 10 сынып оқушылары Нұрдәулет пен Айша иеленді. Сайыс жеңімпаздары алғыс хаттармен марапатталды.