АРАЛДЫҢ КОМАНДАСЫ АЛДАН КӨРІНДІ
Қызылорда обылысы білім басқармасының «Аймақтық дене тәрбиесі методикалық орталығы әскери-қолданбалы спорт түрлері бойынша облыстық «Жас мерген - 2017» жарысын өткізді. Осыған дейін аудан және қалалық іріктеуден өткен құрама командалар қатысқан жарыстың мақсаты жас жеткіншектердің Отанға деген сезімін оятып, ұлтжандылық сезімін арттыру, әскери спорттық ойындар арқылы оқушылардың денсаулығын нығайту, жастар арасында ҚР Қарулы Күштерінің әскери мамандықтарын үгіттеу болды.
Жарыс бағдарламасына сәйкес оқушылар АК-74 Калашников автоматын бөлшектеу және жинау, ИЖ-38 пневматикалық винтовкасынан жылдамдыққа ату сайысы, белтемірге тартылу бойынша сынға түсті.
Сайыс қортындасы бойынша жалпыкомандалық есепте бірінші орынға Арал ауданы командасы көтерілсе, екінші орын жүлдесі Сырдария жастарына бұйырды. Үшінші орын Қазалы ауданының командасында.
Жеңімпаз және жүлдегер командалар облыстық білім басқармасының арнайы дипломдарымен марапатталады.
