Kyzylorda-News.kz

     Қармақшы ауданында жыл басынан бері 17250 шаршы метр тұрғын үй пайдалануға беріліп, өткен жылдың тиісті кезеңімен  салыстырғанда 104,8 пайызды құрады.  Бұл туралы Өңірлік коммуникациялар қызметінде өткен баспасөз мәслихатында аудан әкімі С.Мақашов мәлімдеді.  

    Оның айтуынша ауданда құрылыс  жұмыстарының  көлемі  2 млрд 112 млн теңгені құрап, өткен жылдың тиісті кезеңімен  салыстырғанда 4,1 есеге артты.

    - «Нұрлы жер» бағдарламасы аясында ҚР Ұлттық қор есебінен Инженерлік инфрақұрылымды дамыту бойынша «Қармақшы ауданы Ақай елді мекенінің инженерлік-коммуникациялық инфрақұрылымын дамыту мен жайластыру» жобасының құрылыс жұмыстарына 142,9 млн теңге және облыстық бюджет есебінен 15,9 млн теңге, барлығы 158,8 млн теңге  бөлінді. Жоба бойынша 15,1 км электр желісі, 5 км қиыршық тас жолдарын салу қаралған. Мердігер «Нұр-Талап и К» ЖШС-і. Бүгінгі күні құрылыс жұмыстары аяқталуға жақын, - дейді аудан әкімі.  

    Сондай-ақ, брифинг барысында аудан әкімі «Өңірлерді дамыту - 2020» бағдарламасы аясында  2017 жылы көпқабатты көппәтерлі тұрғын үйлерге күрделі жөндеу жұмыстарын жүргізуге аудандық бюджеттен бөлінген 10 млн. 311 мың теңге қаржыға 3 көпқабатты тұрғын үйлерге үстіміздегі жылдың мамыр айынан бастап күрделі жөндеу жұмыстары жүргізілып жатқандығын айтты.  Мердігер мекеме - «Туған ел келбеті» ЖШС. Аталған үйлердің уақытылы және сапалы жөнделуі бақыланып,  жұмыстың 90 пайызы аяқталғандығын жеткізді аудан басшысы.