ЖАЗАСЫН ӨТЕП ШЫҚҚАНДАР ЖҰМЫСҚА ОРНАЛАСУДА
Облыстық жұмыспен қамтуды үйлестіру және әлеуметтік бағдарламалар басқармасы жазасын өтеп шыққан азаматтарды жұмысқа орналастыру бағытында жүйелі жұмыс істеуде. Жыл басынан бері облыстағы жұмыспен қамту орталықтарына осы санаттағы 182 адам жұмыссыз ретінде тіркелген. Олардың 118-і пробация қызметінің есебіндегілер болса, 64-і жазасын өтеп шыққандар.
Жұмыспен қамту бойынша 101 (55,4%) адам - тұрақты жұмысқа орналасса, 24 (13,1%) азамат қоғамдық жұмысқа жолданған. Тіркелгендердің алтауы әлеуметтік жұмыс орындарына, 28-і кәсіби оқыту және қайта даярлауға жіберілген.
