ҚҰРЫЛЫС САПАСЫ АРТЫП КЕЛЕДІ
Қызылорда облысының мемлекеттік сәулет-құрылыс бақылауы басқармасының хабарлауынша осы жылдың 9 айында лицензияны қайта рәсімдеу, қосымша жұмыс түрін қосу және жаңадан лицензия алуға 336 адамнан өтініш келіп түсті. ҚР Ұлттық экономика министрінің м.а. 2014 жылғы 9 желтоқсандағы №136 бұйрығына сәйкес, бұл өтініштер комиссия отырысына жолданып, комиссия шешімі бойынша оның 162-і қанағаттандырылды.
Тоғыз айлық жұмысты саралаған басқарма мамандары салада құрылыс заңдылықтарын бұзушылықтың азайып, сапасы артқанын айтып отыр.
Сонымен қатар, басқарма құрылыстың халықаралық стандарттарға сай болуы үшін сәулет-құрылыс, құрылыс индустриясының өндірістік базасын нығайту саласындағы мемлекеттік саясатты ұстанып, бағдарлама әкімшілерінің жауапкершілігін арттыру, құрылыс заңдылықтары мен нормативтік құқықтық құжаттар талабының сақталуын қадағалауды жалғастыра береді.
