ӘР ҮЙГЕ – САПАЛЫ АУЫЗ СУ
Қармақшы ауданында халықты ауыз сумен қамтамасыз ету бағытында жұмыстар жүйелі түрде іске асырылуда. Былтыр Ақжар ауылында скважина қазылып, жеті ауылдағы ауыз су құбырларын республикалық теңгерімге беру құжаттары әзірленді.
Сондай-ақ, «Арал» СЖКБД филиалы ІІІ- Интернационал-Жосалы бағытындағы д-225мм магистралды су құбырының жанынан қосымша д-225мм ұзындығы 19 шақырым су құбырының құрылыс - монтаж жұмыстарын жүргізіп, Жосалы кентін ауыз сумен толық қамтамасыз етудің бастамасы қаланды.
Биыл «Нұрлы жол» бағдарламасы бойынша кентте РЗА» АҚ «ІІ-су көтеру насос станциясын және ішкі су жүйесін қайта жаңғырту» жобасы аясында су қоймасы мен насос станциясының құрылыс-монтаж жұмыстарын аяқтап, нысан іске қосылды.
Жосалы кенті тұрғындарын ауыз сумен толық қамтамасыз ету мақсатында мердігер «Сәт Сервис» ЖШС 1364 үйге су құбырын кіргізу және көшелерге магистралды су құбырларын жүргізу жұмыстарын атқаруда.
