ЖОСАЛЫ КӨШЕЛЕРІНЕ ЖАРЫҚ ШАМДАР ОРНАТЫЛУДА
Биыл Жосалы кенті көшелерін жарықтандыру бойынша мақсатты жұмыстар жүргізілуде. Атап айтқанда, Абай көшесінің екі жақ бетіне 110 бағаналы шам орналастырылса, Жосалы кентіне кіре берістен Көшербаев көшесіне дейін 85 шам қойылды. Сонымен қатар, Сегізов, Теміржол, М.Шоқай, Нұртай, Шығыс, Мүсірбаев көшелерінде де осындай жұмыстар жүргізілді.
Бүгінде кенттегі барлық шам кешкі сағат 20.00 ден таңертеңгі сағат 08.00 ге қосылып, көшеге сән беріп тұр. Көп жылдан бері айтылып келе жатқан мәселенің оңтайлы шешілгеніне кент тұрғындары да дән риза.
