Kyzylorda-News.kz

     «Бәріңізге де мәлім Елбасы «Болашаққа бағдар: Рухани жаңғыру» мақаласында еліміздің рухани дүниелерін, салт-дәстүрімізді жаңғыртатындай үлкен бағыттар берді. Соның бірі және ең үлкені қазір барлығымыз жиналып отырған – латын әліпбиіне көшу мәселесі. Шамалы ремарк жасайтын болсам, біз латын әліпбиіне көшпейміз, біз оған ораламыз. Себебі, өздеріңіз білетіндей, 1929 жылдан бастап 1940 жылға дейін біз латын әліпбиін пайдаланып келдік. Алайда белгілі саяси себептермен кирилл қарпіне ауыстық. Қоғам осы талқылаудың аясында бірікті.

    Бәрі де бірте-бірте орындалады. Сондықтан, ортақ жұмысты бірлесіп, жұмыла шешкен оңай деген ойдамын. Мен өзім де екі тілді еркін меңгергем, ағылшын тілін де білемін. Бірақ әрбір Қазақстан елінің азаматы қазақ жерін басып жүрген соң, қазақ тілін білуге міндетті. Дегенмен Ата заңымыз бойынша екі тілді де қолдануға құқылы. Бірақ біздің арамызда өзі қазақ болып тұрып, қазақ тілінде сөйлей алмайтын адамдар бар.

    Ал дәл осы латын әліпбиінің қолданысқа енуі – қазақ азаматтарымызға қазақ тілін үйренуге үлкен мүмкіндік.