ХАЛЫҚҚА ЖАҚЫН ЖОБА
Бүгін облыс аудандары арасында алғашқы болып Жаңақорған кентінде стационарлық полиция бекеті ашылды. Облыс прокуратурасы тарапынан көтерілген бұл бастамаға аудан әкімдігі қолдау танытты. Қылмыстық құқық бұзушылықтардың алдын алу мақсатында «Полиция – халыққа жақын» жобасы бойынша жүзеге асырылатын жобаның мақсаты – халыққа шұғыл көмек көрсету үшін полиция бекетін ашық жерге орналастыру.
Учаскелік инспекторлар тәулік бойы қызмет көрсететін аймағы бойынша халықпен жұмыс жасайды, олардың өтініштерін қабылдайды. Кез келген құқық бұзушылықтар бойынша учаскелік полиция инспекторлары оқиға орнына шұғыл түрде жетеді.
Кент орталығындағы бейнебақылау камераларының басқару тетіктері осы жерге шоғырланатын болады. Одан бөлек, кент аймағында жаңа типтегі 2 учаскелік полиция пунктінің құрылысы жүргізілуде. Бұл пәрменді жұмыстар құқық бұзушылықпен қарсы күресте оңды нәтижесін береді.
