ЛАТЫН ӘЛІБИІНЕ КӨШУ – МӘҢГІЛІК ЕЛГЕ ҚАДАМ
Мемлекет басшысы «Болашаққа бағдар: Рухани жаңғыру» атты бағдарламалық мақаласында 2025 жылдан бастап латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екенін қадап айтты. Елбасы Жарлығымен қазақ алфавитінің латын қарпіндегі нұсқасы белгіленді. Осы мақсатқа жету үшін жұмысты жүйелеу міндеттелді.
«Қаз Ғарыш Сапары» АҚ ғимаратының мәжіліс залында «Латын әлібиіне көшу – Мәңгілік елге қадам басу» тақырыбында өткен отырыста осы міндетті еңсерудің жолдары талқыланды.
Отырысқа ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасы, «Нұр Отан» партиясының Байқоңыр қалалық филиалы, Қызылорда облысы кәсіпкерлер палатасының қалалық бөлімшесі, Байқоңыр қалалық Ардагерлер кеңесі, «Халықаралық Қазақ тілі» қоғамдық бірлестігі Байқоңыр филиалы өкілдері мен кәсіпкерлер қатысты.
Басқосуда осы міндетті жүзеге асырудың шараларына қоғам болып атсалысу қажеттігі баса айтылды.
