АУЫЗ СУ БЕРУ УАҚЫТША ТОҚТАТЫЛАДЫ
«Қызылорда су жүйесі» МКК қаладағы ауыз су нысандарына қайта жаңғырту жұмыстарының аяқталуына байланысты кейбір көшелерде ауыз су беру уақытша тоқтатылатынын хабарлайды. 2017 жылдың 1 қараша күні сағат түнгі 23.00-ден 2 қараша таңғы сағат 06.00-ге дейін:
- Ж.Абдрахманов көшесі бойындағы «Южный» ауыстыру камерасынан бастап Амангелді көшесіне дейінгі, Амангелді көшесінен Панфилов көшесіне дейінгі, Панфилов көшесінен Пушкин көшесіне дейінгі, Пушкин көшесінен № 89 тұрғын үйге қарама қарсы ауыз су құдығына дейінгі су өткізу құбырына;
- «Южный» ауыстыру камерасынан Байқоңыр көшесі бойындағы ауыстыру камерасына дейінгі Садуақасов көшесі бойындағы су өткізу құбырына;
- «Южный» ауыстыру камерасынан бастап автовокзалға дейінгі су өткізу құбырына «Южный» мөлтек ауданындағы ауыстыру камерасына қайта қосу жұмыстары жүргізіледі. Соған байланысты көрсетілген уақыт аралығында қалаға ауыз су беру уақытша тоқтатылады.
Осы аралықтағы қажетті ауыз су мөлшерін жинап алуларыңызды және атқарылатын жұмыстарға түсіністікпен қарауларыңызды сұраймыз.
