КІТАПХАНАШЫЛАР ҚОЛДАУ ТАНЫТТЫ
Бүгін Жаңақорған аудандық орталық кітапханасында Елбасының «Болашаққа бағдар: Рухани жаңғыру» мақаласын қолдау мақсатында «Латын әрпіне көшуге дайынбыз» атты» атты дөңгелек үстел өтіп, оған аудандық және ауылдық кітапханалар қызметкерлері қатысты. Шара барысында орталықтандырылған кітапханалар жүйесінің директоры З.Шоманова латынға оралу заман талабынан туындап отырған қажеттілік екенін айтып, латын қарпіне қатысты өз ойын ортаға салды. Шараға қатысушылар латын қарпіне көшу жаңа өмірге, соны кеңістікке бастар баспалдақ, өскелең ұрпақтың ой-өрісі мен дүниетанымының тереңдей түсуіне негізгі алғышарт екенін атап өтті. Жиын соңында олар Елбасы жарлығымен бекітілген латын әліпбиіндегі қазақ жазуын қалыптастыру жұмыстарына өз үлестерін қосатындықтарын жеткізді.
